Մեծ Բրիտանիայի վարչապետ Դեվիդ Քեմերոնը իսպանական Լանսարոտե կղզում անցկացրած ընտանեկան հանգստի ժամանակ, անտեսելով տեղացիների զգուշացումները, շարունակել է լողալ, որի արդյունքում նրան մեդուզա է կծել:
Ինչպես Daily Mirror պարբերականն է հաղորդում, հանգստացողները տեսել են, թե ինչպես է բրիտանական կառավարության ղեկավարը գոռալով եւ ձեռքը տրորելով դուրս թռչում ջրից:
Մինչ այդ տեղաբնակները զգուշացրել էին նրան, որ օվկիանոսում բազմաթիվ մեդուզաներ կան: Վարչապետը երեխաներին խնդրել է դուրս գալ ջրից, սակայն ինքը շարունակել է լողալ:
Թերթի աղբյուրներից ստացված տեղեկություններով, Կեմերոնին բժշկական օգնություն տրամադրելու կարիք չի եղել, հաղորդում է «ՌԻԱ Նովոստին»:
