Երկու ստամբուլցիներ՝ Թոլգա Ինջին եւ Ահմեդ Բալյեմեզը պաշտոնապես հիմնել են Թուրքիայում առաջին «Աթեիստների միությունը»՝ համախոհների իրավունքների համար պայքարելու նպատակով: Տեղի մամուլը հայտնում է, որ համահիմնադիրները ծանոթացել էին համացանցով՝ երկրում աթեիստների թեման քննարկելիս:
Ըստ Ինջիի` վերջին ժամանակներս Թուրքիայում աթեիստ լինելը հանցագործություն է: «Ես աթեիստ եմ» արտահատությունը սկսել է ընկալվել որպես կրոնական զգացմունքներին հասցված վիրավորանք: Վարչապետի` «աթեիստները ահաբեկիչներ են» ոճի արտահայտությունները սովորական են դարձել հասաակության համար: Սակայն այժմ ոչ մի աթեիստ իրեն միայնակ չի զգա ոչ դատարանում, ոչ փողոցներում»,- ասել է նա, փոխանցում է ԻՏԱՌ-ՏԱՍՍ-ը:
Կազմակերպությունում ուշադրություն են դարձնում որոշ դատավարությունների, որոնք հարուցվել են հայտնի հասարակական գործիչների դեմ` կրոնի նկատմամբ իրենց ունեցած դիրքորոշման պատճառով: Ինջին օրինակ է բերում դաշնակահար Ֆազիլ Սայի դեմ գործը: Նա 10 ամսվա ազատազրկման էր դատապարտվել, դատարանը նրան մեղավոր էր ճանաչել «կրոնական արժեքները ծաղրելու» եւ սրբապղծության մեջ: Երաժիշտը Twitter-ում քննադատաբար էր հանդես եկել իսլամի հասցեին:
Բալյեմեզը նշել է, որ նախկինում էլ էր փորձ արվել միավորել Թուրքիայի աթեիստներին, սակայն` ապարդյուն:
