Կալիֆորնիայի Արեւմտյան Հոլիվուդի քաղաքային խորհուրդն իր նիստում ամենամյա բանաձեւ է ընդունել ապրիլի 24-ը որպես Հայոց ցեղասպանության զոհերի հիշատակի օր նշելու մասին, գրում է «Asbarez»-ը: Ապրիլի 24-ին Արեւմտյան Հոլիվուդի պետհաստատությունների դրոշները կիսով չափ խոնարհված կլինեն:
Արեւմտյան Հոլիվուդ քաղաքի` արդեն ութ տարի ընդունվող ամենամյա բանաձեւը նպատակ ունի բարձրացնել Հայոց ցեղասպանության մասին տեղեկացվածությունը: Քաղաքային խորհուրդը որոշել է հիշել Հայոց ցեղասպանության զոհերի հիշատակը եւ դատապարտել զանգվածային վայրագությունները եւ մարդու իրավունքների խախտումները հայերի եւ ցեղասպանության եւ մարդկության դեմ այլ հանցագործությունների զոհ դարձած մյուս մարդկանց նկատմամբ: