Կարմիր գինին կրկին հայտնվել է ուսումնասիրողների ուշադրության կենտրոնում։ MedikForum-ը գրում է, թե Հարվարդի գիտնականներն ապացուցել են, որ չոր կարմիր գինին պարունակում է ծերացմանը խոչընդոտող բաղադրիչներ։
Պրոֆեսոր Սինքլերի ղեկավարությամբ լաբորատոր մկների վրա իրականացված փորձերը ցույց են տվել, որ գինու գլխավոր բաղադրատարրը`ռեսվերատրոլը, ազդում է օրգանիզմի բջիջների վրա: Կարելի է չկասկածել, որ այն կարող է աշխուժացնել բջջային գործառույթները` օրգանիզմն ավելի կայուն դարձնելով ծերության գործընթացի նկատմամբ: Ճիշտ է, կարմիր գինու մեջ ռեսվերատրոլի մակարդակը բարձր չէ: Մեկ լիտրում պարունակվում է 2-12.6 մգ, իսկ երիտասարդացնող ազդեցությունը վրա է հասնում, եթե չափաբաժինը գերազանցում է 250 մգ-ը, փոխանցում է MedDaily.ru-ն: