Այսօր Ուկրաինայի Ռազմածովային ուժերի բոլոր նավերը դուրս են եկել Սեւաստոպոլի եւ Դոնուզլավի ծովածոցերից ու լքել են Ղրիմը: Այդ մասին հաղորդում է «Censor.NET»-ը՝ վկայակոչելով Ուկրաինայի նախագահի պաշտոնակատար Ալեքսանդր Տուրչինովի մամուլի ծառայությանը:
Հաղորդագրության համաձայն, մասնավորապես դուրե են եկել «Կիրովոգրադ» դեսանտային նավը, «Վինիցա» նավը, լողացող «Զոլոտոնոշա» բազան եւ այլն:
«Երկրի նախագահի պաշտոնակատարի կողմից պաշտպանության նախարարին ուղղված հրահանգի հաամձայն՝ «ոչ մի ռազամական նավ գերի չպետք է մնա»:
Այժմ նավերն ուղղվում են Օդեսա, որտեղ տեղակայված է Ուկրաինայի ՌԾՈւ բազան: Շարունակվում է Ղրիմից այլ ռազմական տեխնիկայի դուրս բերումը, մասնավորապես ռազմական ինքնաթիռների:
