Ամերիկյան Յուտա նահանգի Քոլեջ Ուորդ քաղաքում երեք տարեկան աղջնակը տանը գտել է հոր հրացանը եւ դրանով պատահաբար կրակել կրտսեր եղբոր վրա:
Խաղալիս աղջիկը կրակել է եղբոր որովայնին: Երեխային անմիջապես հիվանդանոց են տեղափոխել, սակայն բժիշկները չեն կարողացել փրկել նրա կյանքը:
Երեխաների ծնողներն այդ պահին տանն են եղել, սակայն որոշ ժամանակով նրանց անուշադիր են թողել: Նրանք պնդում են, որ հրացանը լիցքավորված չէր, եւ դեռ անհասկանալի է, թե ինչպես էր երեք տարեկան աղջիկը կարողացել լիցքավորել այն:
Ըստ տեղի լրագրողների` ամենայն հավանականությամբ, միջադեպը դժբախտ դեպք կճանաչեն: