Հայաստանի Ազգային արխիվի Շիրակի մարզային մասնաճյուղում ապրիլի 20-ին պահակի՝ Սուքիաս Մանասյանի մահվան առթիվ հարուցվել է քրեական գործ: Այս մասին NEWS.am-ին հայտնեցին Գյումրիի ոստիկանության Կումայրիի բաժնից:
«Հանկարծամահ է եղել, բռնության հետքեր չեն հայտնաբերվել: Այնուամենայնիվ, հարուցվել է քրեական գործ, կատարվում է քննություն»,- ասացին բաժնի աշխատակիցները:
Նշենք, որ դեպքը տեղի է ունեցել վաղ առավոտյան: Մահացածը 64 տարեկան էր, Գյումրիի բնակիչ:
