Ադրբեջանցի հայտնի լրագրող, «Այնա-Զերկալո» թերթի աշխատակից Ռաուֆ Միրկադիրովի նկատմամբ խափանման միջոց է ընտրվել կալանքը: Այս մասին հայտնել է ադրբեջանական «Կոմիտե ընդդեմ խոշտանգումների» ՀԿ-ի նախագահ Էլչին Բեհբութովը:
ԱՊԱ-ն փոխանցում է, որ նրա դեմ մեղադրանք է ներկայացվել Ադրբեջանի ՔՕ 274-րդ հոդվածով (Պետական դավաճանություն):
Լրագրողը մեղադրվում է «առանց պետության գիտության Հայաստան մեկնելու եւ այնտեղ մի շարք հանդիպումներ ունենալու համար»: Է. Բեհբութովը նշել է, որ Ադրբեջանը եւ Հայաստանը պատերազմական իրավիճակում են, եւ բանակցություններ վարելու լիազորություններ ունեն միայն նախագահները:
Ըստ Բեհբութովի` առաջիկայում ինքը հանդիպելու է Ռ. Միրկադիրովի հետ:
