Ադրբեջանի Հանրապետության գլխավոր դատախազությունը «Այնա-Հայելի» թերթի աշխատակից Ռաուֆ Միրքադիրովի ձերբակալության կապակցությամբ հայտարարություն է տարածել:
Ինչպես հաղորդել են ANS PRESS-ին Գլխավոր Դատախազության մամուլի ծառայությունում, «Ռաուֆ Միրքադիրովը 2008թ.-ի ապրիլից Հայաստանի հատուկ ծառայության օրգանների հետ գաղտնի համագործակցության մեջ է գտնվում: Նա բազմիցս հանդիպել է նրանց հետ Հայաստանում, Վրաստանում եւ Թուրքիայում, պետական գաղտնիք հանդիսացող տեղեկություններ հաղորդել: Գործի առթիվ հարուցվել է քրեական գործ ՔՕ 274-րդ հոդվածի համաձայն(պետական դավաճանություն):
Ապրիլի 19-ին Միրքադիրովին ձերբակալել են, Նասիմանի մարզային դատարանը նրա հանդեպ խափանման միջոց ընտրել է 3 ամիս ժամկետով կալանքը:
Ձերբակալությունից հետո Միրքդիրովին փաստաբան են տրամադրել, քրեական գործի առթիվ ստեղծվել է օպերատիվ քննչական խումբ: Այս պահին շարունակվում են անհրաժեշտ քննչական գործողությունները»:
