Չեչնիայի բնակիչը Մոսկվայի մետրոյում տրավմատիկ ատրճանակից կրակ է բացել Բելառուսի չորս քաղաքացիների հետ վիճելուց հետո: Այս մասին հայտնում է «Ինտերֆաքսը»՝ վկայակոչելով ՆԳՆ ԳՎ-ն:
Դեպքը կատարվել է «Մշակույթի այգու» կայարանից «Կրոպոտկինսկայա» կայարան մեկնող գնացքի վագոնում: Բելառուսի չորս քաղաքացիների եւ Չեչնիայի 27-ամյա բնակչի միջեւ վեճ է ծագել: Վերջինս ընթացքում մի քանի անգամ կրակել է բելառուսների վրա: Կոբրին քաղաքի 25-ամյա բնակիչը գլխի հրազենային վնասվածքով տեղափոխվել է հիվանդանոց:
Չեչենը ձերբակալված է, հարուցվել է քրգործ՝ ՌԴ ՔՕ 111-րդ հոդվածով («առողջությանը ծանր վնաս պատճառելը»):
