Մեխիկոյում աշխարհահռչակ գրող Գաբրիել Գարսիա Մարկեսին վերջին ճանապարհն են ուղեկցել թղթե հազարավոր թիթեռներով եւ բարձր ծափողջյուններով:
Հրաժեշտի արարողությունը կայացել է նախօրեի երեկոյան՝ Մեքսիկայի մայրաքաղաքի Կերպարվեստի պալատում: Ներկա են գտնվել Մեքսիկայի եւ Կոլումբիայի նախագահները, որոնք ցավակցություն են հայտնել Մարկեսի այրուն եւ երկու որդիներին, հայտնում է «ՌԻԱ Նովոստին»:
Վերջում Մեխիկոյի գիշերային երկնքում թիթեռնիկների են բաց թողել: Նաեւ Պալատ էին բերվել մեծ թվով դեղին վարդեր, որոնք նախընտրում էր գրողը:
Պալատում դրվել էր գրողի աճյունամոխրով սափորը, որը բերել էին նրա այրի Մերսեդես Բարչան եւ որդիներ Գոնսալեսն ու Ռոդրիգեսը: Երեք ժամանոց արարողությանը մասնակցել են գրականագետներ, քաղաքական, հասարակական գործիչներ, քաղաքացիներ, գրողի ընկերները:
Իսկ դրսում Մարկեսին հարգանքի տուրք մատուցելու եկած բնակիչների հոծ բազմություն էր հավաքվել: