Կիպրոսի բաժանումից չորս տասնամյակ անց՝ արդեն մինչեւ տարեվերջ, հիմնախնդրի կարգավորման հույս է ծագել: Այս մասին հայտարարել է չճանաչված Հյուսիսային Կիպրոսի թուրքական հանրապետության նախագահ Դերվիշ Էրօղլուն՝ ՄԱԿ-ի գլխավոր քարտուղար Բան Կի-Մունի հետ Նյու Յորքում հանդիպումից հետո:
«Մենք հենց նոր վերսկսեցինք բանակցությունները: Կարծում ենք, որ պայմանագիրը կարող է համաձայնեցվել մինչեւ տարեվերջ, եւ մենք կկարողանանք այն հանրաքվեի ներկայացնել՝ արդեն 2014թ.», - ասել է Էրօղլուն, հայտնում է Deutsche Welle-ն:
Ավելի վաղ ՄԱԿ-ի հովանու ներքո վերսկսվել էին Կիպրոսի հույների եւ թուրքերի միջեւ բանակցությունները:
