«Վկոնտակտե» սոցիալական ցանցի նախկին գլխավոր տնօրեն եւ համահիմնադիր Պավել Դուրովը լքել է Ռուսաստանը եւ այլեւս չի պատրաստվում վերադառնալ: Այս մասին նա լրագրողներին հայտնել է հետագա պլաններին վերաբերող հարցին ի պատասխան:
«Ցավոք սրտի, ներկայիս դրությամբ այդ երկիրն անհամատեղելի է ինտերնետ-գործարարության հետ»,- նշել է Դուրովը, հավելելով, որ ընթացիկ տարում աշխատանքներ է սկսելու շարժական սարքավորումների համար նոր սոցիալական ցանցի ստեղծման ուղղությամբ, հաղորդում է Techcrunch.com-ը:
Հիշեցնենք, որ ապրիլի 21-ին Պավել Դուրովը հեռացվել էր սոցիալական ցանցի գլխավոր տնօրենի պաշտոնից:
