Ուկրաինայի արեւելյան շրջաններում վարչական շենքեր զավթած անձանց տրամադրվող աջակցությունը չադադարեցնելու պարագայում Ռուսաստանն էլ ավելի մեկուսացման մեջ կհայտնվի: Այս մասին Կիեւում` Ուկրաինայի վարչապետ Արսենի Յացենյուկի հետ բանակցությունների ավարտին մամուլի համար տրված հայտարարության ընթացքում ասել է ԱՄՆ փոխնախագահ Ջոզեֆ Բայդենը:
Նա նաեւ անհրաժեշտ է համարել Ռուսաստանի մասնակցությունը Ուկրաինայի արեւելյան շրջաններում իրականացվող ԵԱՀԿ առաքելությանը, նշելով, որ Միացյալ Նահանգները ցանկանում են Ուկրաինայում սահմանադրական բարեփոխումների եւ իշխանության ապակենտրոնացման գործընթացի ականատեսը դառնալ:
Բայդենը համոզմունք է հայտնել, որ Ուկրաինան, պահպանելով լեզվական եւ էթնիկ բոլոր ավանդույթները, այնուամենայնիվ, պետք է միացյալ եւ ինքնիշխան պետություն մնա, որի առաջնային խնդիրներից մեկը կաշառակերության դեմ պայքարն է: