Երեւան քաղաքի Երեւանյան խճուղու թիվ 10 տան դիմաց, ապրիլի 22-ին, ժամը 05.30-ին, «Տոյոտա» մակնիշի ավտոմեքենա է բախվել «Օպել» մակնիշի երկու ավտոմեքենաների, որից հետո դուրս գալով երթեւեկելի մասից` բախվել է նշված տան դարպասին:
Ոստիկանության մամուլի ծառայությունից հայտնում են, որ «Օպել»-ներից մեկի վարորդը, ուղեւորը եւ «Տոյոտա»-ի սրահում գտնվող 3 անձինք մարմնական վնասվածքներով տեղափոխվել են հիվանդանոց:
Ձեռնարկվում են միջոցառումներ «Տոյոտա»-ի վարորդի ինքնությունը պարզելու ուղղությամբ:
Կատարվում է քննություն: