Ուկրաինայի նախագահի թեկնածու, «Աջ հատվածի» առաջնորդ Դմիտրի Յարոշը հայտարարել է «Դոնբասս» հատուկ գումարտակի ստեղծման մասին, որի կազմում կլինեն Դոնեցկի մարզի բնակիչներ: Այդ մասին նա հայտնել է Դնեպրոպետրովսկում կայացած ասուլիսում:
«Մենք մեր բոլոր գործողությունները համաձայնեցնում են ՆԳՆ-ի, ՈՒԱԾ-ի եւ Անվտանգության խորհրդի հետ,- նշել է նա:
Յարոշը նաեւ նշել է, թե ակտիվիստներն ու պատրաստված զինյալները պատրաստ են օգնության հասնել հատուկ ծառայություններին, հաղորդում է «Ինտերֆաքս-Ուկրաինան»:
Ընդ որում, Յարոշը մտավախություն չունի, որ «Աջ հատվածի» անդամների մասնակցությունը ՆԳՆ հատուկ գործողություններին կարող է բախումներ սադրել Դոնբասի բնակիչների հետ: նա նաեւ նշել է, որ իր խումբը տեղափոխվում է Դնեպրոպետրովսկ:
