Դաղստանի Խասավյուրտ քաղաքում սպանվել է հատուկ գործողության անցկացման նպատակով հավաքված իրավապահների ուղղությամբ կրակ բացած կինը, հայտնում է «Ինտերֆաքսը»։
«Իրավապահները մտադիր էին խուզարկել մասնավոր տնտեսությունը։ Հանկարծ տնից դուրս է նետվել մի աղջիկ եւ Ստեչկինի ատրճանակից կրակ բացել», - հայտնում են իրավապահ մարմիններից։ Նշվում է, որ տանը կարող է եւս երկու մարդ գտնվել, ներկայումս մարտը շարունակվում է։