Նիգերիայի նախագահի օգնական Դոյնի Օկուպեն միջազգային հանրությանը կոչ է արել օգնել «Բոքո Հարամի» իսլամիստների դեմ պայքարի հարցում։
Ըստ նրա՝ նախադեպ արդեն եղել էր, երբ Ֆրանսիան Մալիի կառավարությանը նախորդ տարի օգնել էր ապստամբներին ճնշելիս։
Օկուպեն կողմ է հարեւան երկրների՝ Չադի, Նիգերի եւ Կամերունի հետ սերտ համագործակցությանը, որոնց տարածքներում եւս գործում է «Բոքո Հարամը», հայտնում է «Ռասբալտը»՝ վկայակոչելով BBC-ն։
Չնայած երկրի հյուսիսային երեք նահանգներում հայտարարված արտակարգ դրության, նիգերիացի զինծառայողներին չի հաջողվել կանխել իսլամիստների գործունեությունը։
