Թուրքիայի նորաստեղծ Ժողովուրդների դեմոկրատական կուսակցության Ստամբուլի Շիշլիի գրասենյակի կողմից ապրիլի 23-ի երեկոյան Հայոց ցեղասպանության զոհերին նվիրված երթ է կազմակերպվել:
Թուրքական Mynet.com կայքի փոխանցմամբ՝ Ժողովուրդների դեմոկրատական կուսակցության Շիշլիի գրասնեյակի կողմից Հայոց ցեղասպանության զոհերի հիշատակին նվիրված երթի ընթացքում մասնակիցները պարզել են պաստառներ. Մի մոռացիր Հայոց ցեղասպանությունը գրություններով:
Երթի սկզբում մասնակիցները հավաքվել են Շիշլիի Փանգալթը անունը կրող մետրոյի կայարանի մոտ, մոմ վառել, մեխակներ դրել եւ սկսել երթը հայկական երաժշտության ներքո:
Երթն ավարտվել է Քուրթուլուշ թաղամասում, որտեղ մասնակիցներն հանդես են եկել հայտարարությամբ՝ քննադատելով իշխանությունների ժխտողական քաղաքականությունը:Նշենք, որ ապրիլի 24-ին Թուրքիայի մի շարք քաղաքներում նախատեսված են Հայոց ցեղասպանության զոհերի հիշատակման միջոցառումներ:
Տեսանյութը դիտելու համար սեղմեք ԱՅՍՏԵՂ: