Մոտ ապագայում Ռուսաստանի դեմ նոր պատժամիջոցներ կկիրառվեն, եթե այդ երկիրը չիրականացնի ժնեւյան համաձայնության պայմանները: Այս մասին հայտարարել է Միացյալ Նահանգների նախագահ Բարաք Օբաման:
Մոսկվան դեռ կարող է խուսափել նոր պատժամիջոցներից, ասել է ամերիկյան առաջնորդը, նույն պահին էլ խոստովանելով, թե առայժմ ռուսական կողմի` այդ ուղղությամբ քայլեր ձեռնարկելու մտադրության նախանշաններ չի տեսնում:
Օբամայի խոսքով, Ռուսաստանի դեմ նոր պատժամիջոցներն «արդեն ճանապարհին են»:
ԱՄՆ նախագահը հիշյալ հայտարարություններն արել է Տոկիոյում` Ճապոնիայի վարչապետ Սինձո Աբեի հետ համատեղ մամուլի ասուլիսի ընթացքում, հաղորդում է BBC-ի ռուսական ծառայությունը: