Կանադայի վարչապետ Սթիվեն Հարփերը Հայոց ցեղասպանության 99-րդ տարելիցի օրը ուղերձ է հղել հայ համայնքին: «Այսօր մենք հիշում ենք 1915թ.՝ Օսմանյան կայսրության անկման ընթացքում մարդկանց ահավոր մահը, մասնավորապես՝ հայերին բաժին հասած սարսափելի չարչարանքները»,- ասված է ուղերձում:
Կանադայի վարչապետը հիշեցրել է, որ երկրի խորհրդարանի երկու պալատներն էլ բանաձեւեր են ընդունել, որոնցում այդ տարիների դեպքերն անվանվում են «ХХ դարի առաջին ցեղասպանություն»: «Սա բոլորիս հիշեցնում է, թե ինչու մենք պետք է հավատարիմ մնանք ժամանակակից աշխարհում մարդու իրավունքների հանդեպ հարգանքի եւ ժողովրավարության ազատության ապահովմանը»,- հայտարարել է Հարփերը:
Նրա խոսքով՝ այսօր ծագումով հայ եւ թուրք կանադացիները ապրում են կողք կողքի՝ կիսելով ընդհանուր արժեքներն ու հանդուրժողականությունը: Մենք սատարում ենք Հայաստանի եւ Թուրքիայի՝ հաշտության ուղիների որոնման ջանքերը, ներառյալ՝ բաց սահմանները, դիվանագիտական հարաբերությունները եւ 1915թ. դեպքերի հարցով երկխոսության վերսկսումը: Մենք ողջունում ենք երկու երկրների արտգործնախարարների 2013թ. դեկտեմբերի բանակցությունները եւ սատարում հաշտեցման գործընթացին՝ շարադրված 2009թ. հոկտեմբերին ստորագրված ցյուրիխյան արձանագրություններում»,- նշել է նա:
«Ես այսօր միանում եմ ձեզ՝ հիշելով անցյալը եւ խաղաղության ու փոխադարձ հարգանքի վրա հիմնված ապագա ակնկալելով»,- ընդգծել է նա:
