Ադրբեջանի մայրաքաղաքում գտնվող նավթահորերից մեկում հրդեհ է բռնկվել: Միջադեպը տեղի է ունեցել Բաքվի Սաբաիլյան շրջանի Բաիլովո ավանում:
Ինչպես քաղաքի ոստիկանական վարչությունից են տեղեկացրել, երկու հազար խորանարդ մետր տարողությամբ նավթային ամբարներից մեկում պայթյուն է հնչել, որից հետո ուժեղ հրդեհ է բռնկվել: Ցիստերնում գտնվող ողջ նավթն այրվել է, իսկ հորը` խիստ դեֆորմացվել:
Հրշեջներից կես ժամ է պահանջվել կրակը մարելու համար: Միջադեպի վայրում շարունակում են ԱԻՆ գործակալներ աշխատել, հաղորդում է «Ինտերֆաքսը»:
