Ռոստովի մարզում վթար է տեղի ունեցել՝ ռազմական տեխնիկայի մասնակցությամբ: Զոհվել է երկու մարդ:
«Դեպքը տեղի է ունեցել անհրաժեշտ հեռավորությունը չպահպանելու պատճառով: Շարասյան երկրորդ զրահապատ մեքենան բախվել է առաջինին: Տեխնիկան դուրս էր եկել հանդիպակաց գոտի, որտեղ ուղղակի ճզմել է թեթեւ մարդատար ավտոմեքենան, որում գտնվող կինն ու տղամարդը տեղում մահացել են», հայտնում է «Բլոկնոտ. Ռոստովը»՝ վկայակոչելով իրավապահ մարմինները:
Ճշտվում է զոհերի ինքնությունը: Դեպքի վայր են ժամանել ոստիկանության աշխատակիցներ, զինվորներ: Ըստ նախնական տվյալի՝ ԲՄՊ-ն պատկանում է Սամարայի զորամասին, որը զորավարժություններից հետո վերադառնում էր մշտական տեղակայման վայր: Տեխնիկան խախտումներով էր շարժվել՝ առանց ռազմական ավտոտեսչության մեքենայի ուղեկցության:
