Ռիոյում ոստիկանության եւ հետնախորշերի բնակիչների միջեւ կրկին բախումներ են եղել։ Վերջիններս վերադառնում էին պարողի հուղարկավորությունից, ում մահը խռովությունների նոր ալիք էր բարձրացրել։
Ոստիկանությունը ժամանակավորապես փակել է զբոսաշրջային Կոպակաբանա քաղաքի գլխավոր փողոցը՝ փորձելով բողոքողներին ցրել արցունքաբեր գազի եւ ռետինե փամփուշտների օգնությամբ, հայտնում է BBC-ն:
Հիշեցնենք, որ 26-ամյա պրոֆեսիոնալ պարող Դուգլաս Ռաֆայել դա Սիլվան մահացած էր հայտնաբերվել ապրիլի 22-ին՝ տեղի դպրոցում: Ըստ վարկածներից մեկի, նրան կրակել էին ոստիկանները՝ շփոթելով թմրանյութեր առաքողի հետ: Ռաֆայել դա Սիլվայի սպանության կապակցությամբ ծագած խռովությունների ժամանակ հաղորդվել էր նաեւ 12-ամյա դեռահասի վիրավորվելու մասին: Իշխանությունները խոստացել են հանգամանորեն քննել սպանությունը: