Ստրասբուրգի Հայ համայնքի երտասարդներն առաջին անգամ ապրիլի 24-ի կապակցությամբ, երթ էին կազմակերպել, քաղաքի կենտրոնից դեպի Թուրքիայի դեսպանատուն, մասնակիցների թիվը կազմում էր մոտ 450-500:
Ցուցարարները երգել են հայրենասիրական երգեր, ծածանելով եռագույնը, բողոքի բազմաթիվ պաստառներով 2 ժամ անընդմեջ Թուրքիայի դեսպանատան առջեւ պահանջել են Թուրքիայից ճանաչել Հայոց ցեղասպանությունը, եւ վերականգնել արդարությունը:
Այնուհետեւ երթը շարունակվել է դեպի Ստրասբուրգի Հանրապետության Հրապարակ, որտեղ ելույթ են ունեցել բազմաթիվ պաշտոնյաներ, եւ ծաղկեպսակներ են դրել անմահ զինվորի հիշատակին, այդ թվում նաեւ քաղաքապետը: Հայ երտասարդությանը միացել են նաեւ Քուրդ ազգային փոքրամասնության ներկայացուցիչները : Անմիջապես ելույթից հետո երթով հասել են Ստրասբուրգի Հայ առաքելական եկեղեցի, որտեղ մատուցվել է պատարագ քահանա Տեր Վաչեի կողմից նվիրված անմեղ զոհերի հիշատակին:
