Իտալիայի ոստիկանությունը Lamborghini-ից նորագույն սուպերմեքենա՝ Lamborghini Huracàn է ստացել: Մեքենան տրվել է Սանտ Ագաթա Բոլոնյեզե քաղաքի ոստիկանությանը, որտեղ էլ գտնվում է Lamborghini գործարանը:
Արդեն կապույտ-սպիտակ ներկված մեքենան մտադիր են օգտագործել հերթապահության, ինչպես նաեւ տեղեկատվության հավաքման համար: Ավտոմեքենան ունի ձայնագրող եւ խախտողների արագությունն ու GPS կոորդինատները որոշող համակարգ:
Բացի դրանից մեքենայում առաջին օգնություն ցուցաբերելու համար անհրաժեշտ հավաքածու կա, որն ունի անգամ մարդու օրգաններ եւ արյուն տեղափոխելու համար նախատեսված սառնարան:
Ոստիկանական Lamborghini-ն ունի աերոդինամիկա եւ հավելյալ լույսեր մեքենայի տանիքին, փոխանցում է Euromag-ը:
Սա Lamborghini-ի նմանատիպ չորրորդ սուպերմեքենան է. առաջին երկու Lamborghini Gallardo մեքենաները ոստիկանությունն ստացել էր 2004 թ., 2008 թ. նրանցից մեկը փոխարինվել էր նորով, իսկ 2009 թ. ոստիկան Lamborghini-ն դուրս էին գրել Կրեմոնից ոչ հեռու կատարված վթարի պատճառով:
Այժմ Gallardo-ն կհանձնեն ոստիկանական պատմական մեքենաների թանգարան, իսկ դրան կփոխարինի նորագույն մոդելը, որը ներկայացվել էր 2014 թ.՝ Ժնեւի ավտոսրահում:
