«Opel» ընկերությունը հրապարակել է մեքենայի լուսանկարներ եւ մի քանի հոլովակ, որոնք նվիրված են «Corsa» մոդելի նոր սերնդին: Նորույթը կներկայացնեն աշնանը Փարիզում:
Հինգերորդ սերնդի հեթչբեքի մի քանի նախատիպերն այս պահին վերջին փորաձարկումներին են ենթարկվում համաշխարհային պրեմիերայից առաջ:
Արտադրողը չի անդրադարձել տեխնիկական մանրամասներին, սակայն հոլավակներից ինչ-որ բան հնարավոր է նկատել:
«Corsa»-ի շարժիչի մշակման դեպարտամենտի գլխավոր ինժեներ Մաթիաս Ալթի խոսքով՝ մեքենայի համար հիմնական կդառնա նոր 1 լիտր ծավալով շարժիչը՝ 115 ձիաուժ հզորությամբ: Ալթը նաեւ հավելել է, որ շարժիչն աշխատելու է նոր փոխանցման տուփով, ինչի հաշվին կրճատվել է վառելիքի ծախսը:
Սպասվում է, որ «Corsa»-ի շարժիչային գամմայում դիզելային շարժիչ կհայտնվի:
Լուսանկարում երեւում են մոդելի երկու տարբերակները՝ 3 եւ 5-դռնանի:
