Սկսվել է Վանաձորի տեխնոպարկի անձնակազմի մրցույթը ու ուսումնական դասընթացները: Այս մասին NEWS.am-ի թղթակցին հայտնել է տեխնոպարկի ստեղծումը համակարգող «Ձեռնարկությունների ինկուբատոր» հիմնադրամի (EIF) տնօրեն Բագրատ Ենգիբարյանը: Զուգահեռ անցկացվում է նաեւ լաբորատորիաների, ինչպես նաեւ ճարտարապետական դիզայնի մրցույթ: Նախագծի տեխնիկա-տնտեսական հիմնավորումը, ըստ Ենգիբարյանը, արդեն ավարտված է: Ըստ նրա՝ շինությունը կկառուցվի մինչեւ 2016թ., բայց մինչ այդ ձգտում են ստեղծել անհրաժեշտ բոլոր ենթակառույցները:
Հանրապետության մեծությամբ երրորդ քաղաքում բավական շատ IT ընկերություններ եւ դրանց մասնաճյուղեր կան: «Չնայած մայրաքաղաք չէ, սակայն, այնուամենայնիվ, դրանք բավական շատ են: «Ինկուբատորը» մտադիր է կապ հաստատել նաեւ խորհրդային ժամանակներից մնացած արդյունաբերական ձեռնարկությունների եւ նորերի հետ: Տեխնոպարկում մենք ցանկանում ենք ստեղծել արդյունաբերության, ճարտարագիտության եւ IT բաժիններ: Պետք է ասեմ, որ կարեւոր կապերի որոնումների ընթացքում մեզ զգալի օգնել է Լոռու մարզի ղեկավարությունը», - հավելել է Ենգիբարյանը:
Նշենք, որ Հայաստանում առաջին «Վիասֆեր» տեխնոպարկը հիմնադրվել էր Երեւանում՝ 2001թ.: Երկրորդը բացվելու է Գյումրիում՝ մոտ ապագայում:
EIF-ն ստեղծվել է 2002 թ.՝ Համաշխարհային բանկի «Ձեռնարկությունների ինկուբատոր» նախագծով եւ մասնագիտացած է տեղեկատվական տեխնոլոգիաների եւ կապի բիզնեսին աջակցելու գործում: