Հուլիսի 6-ին Տիբեթի բուդդայականները եւ տիբեդյան բուդդայականության բոլոր հետեւորդները նշում են Դալայ Լամայի ծննդյան տարեդարձը:
Բուդդայականները Նորին Սրբություն Դալայ Լամա XIV-ին մեծարում են որպես Կարեկցության Բուդդայի՝ Ավալոկիթեշվարի (Չենրեզիգ) երկրային մարմնավորում:
Росбалт-ի փոխանցմամբ, այդ օրը տաճարներում Դալայ Լամայի երկարակեցության համար աղոթք են անում եւ նրան դիմում լավագույն մաղթանքներով:
Ըստ բուդդայական ավանդույթի, ֆիզիկական մահից հետո Դալայ Լաման հանգրվանում է նորածնի մարմնում: Այդ կերպ, երկրի վրա ապրած բոլոր Դալայ Լամաները, ըստ էության, միեւնույն էակն են, ովքեր ծերացած մարմինը փոխարինում են նորով՝ միաժամանակ պահպանելով գերզարգացած էակի միասնական հիշողությունը:
Դալայ Լամա XIV-ի տարեդարձի առիթով առաջարկում ենք հիշել նրա կենսական խորհուրդներից մի քանիսը:
Ամեն օր թեկուզ կարճ ժամանակ անցկացրեք ինքներդ ձեզ հետ:
Երբ պարտվում եք, դաս քաղեք:
Միշտ բաց եղեք փոփոխությունների համար, բայց մի կորցրեք սեփական արժեքները:
Երբեմն նպատակին չհասնելը նույնպես հաջողություն է:
Պահպանեք երկիրը:
