Վրաստանի մշակութային գործիչները իշխանություններից պահանջում են պահպանել հայ նկարչուհի եւ նովելագիր Գայանե Խաչատրյանի ժառանգությունը:
Նրանք նամակով դիմել են Վրաստանի վարչապետ Իրակլի Ղարիբաշվիլիին, գլխավոր դատախազ Գեորգի Բադաշվիլիին եւ մշակույթի եւ հուշարձանների պահպանության նախարարին:
Նրանք պահանջում են Գայանե Խաչատրյանի թանգարան բացել, նաեւ ստեղծել կառավարական հանձնաժողով, որը կուսումնասիրի Խաչատրյանի ժառանգության հետ կապված հարցերը եւ թանգարանի բացման համար հող կնախապատրաստի փոխանցում է «Գռուզիա Online»-ը:
Գայանե Խաչատրյանը(1942- 2009) թբիլիսահայ հայտնի նկարչուհի էր, որը առանձնանում էր ստեղծագործական ուրույն ձեռագրով:
Շուրջ 700 գեղարվեստական եւ գրաֆիկական աշխատանքների հեղինակի աճյուն ամփոփված է Թբիլիսիի հայ մշակույթի անվանի գործիչների պանթեոնում: