ԱՄՆ հոգեբանական հետազոտությունների ինստիտուտի գիտնականներն օրերս պարզել են, որ տեսախաղերը կործանարար ազդեցություն են ունենում երեխայի հիշողության վրա:
Գիտնականները նման եզրակացության են հանգել պարզունակ գիտափորձի արդյունքում, որի ընթացքում նրանք այդ թեմայով մի քանի լրացուցիչ բացահայտումներ են կատարել:
Ամբողջ ժամանակն անցկացնելով խաղալով՝ երեխաներն ամրապնդում են իրենց մտածողության որոշ ունակություններ, սակայն լուրջ վտանգի են ենթարկում մյուս ունակությունները:
Գիտնականների՝ միանգամայն տրամաբանական հայտարարության համաձայն, որն արդեն գիտականորեն հաստատվել է, տեսախաղերի պատճառով զգալիորեն տուժում է երեխայի ընկալունակության մակարդակը՝ չխոսելով արդեն տրամաբանության եւ հիշողության մասին:
Ըստ Globalscience-ի, այս եզրակացությունների արդյունքում գիտնականները ծնողներին խորհուրդ են տալիս երեխաներին պաշտպանել համակարգչից: