Ցանցում հայտնվել է Samsung-ի վիրտուալ իրականության ակնոցի լուսանկարը, որը, ըստ ոչ պաշտոնական տվյալների, կկոչվի Gear VR: Լուսանկարը հրապարակվել է SamMobile տեխնոբլոգում:
Ըստ բլոգի՝ գլխին կրելի Gear VR սարքը կներկայացվի IFA 2014 ցուցահանդեսում, որը կկայանա Բեռլինում՝ սեպտեմբերի 5-10-ը:
Հաղորդվում է, որ Samsung-ի վիրտուալ իրականության ակնոցը լիովին ինքնուրույն սարք չի լինի: Դրան USB-ով կմիանա Galaxy շարքի սմարթֆոն: Վիրտուալ իրականության էֆեկտը կստացվի գլխի շարժումներին հետեւելով:
