Նեպալի Բհարաուլ գյուղի բնակչուհին կախվել է՝ ԱԱ կիսաեզրափակիչում Գերմանիա-Բրազիլիա հանդիպման արդյունքների թեմայով ընտանիքի անդամների հետ ընդհարվելուց հետո, հայտնում է «Ռոսբալտը»՝ վկայակոչելով The Himalayan Times-ը:
Բրազիլիայի հավաքականի 15-ամյա երկրպագուհի Պրագյա Թհապան խաղը դիտել է ընկերների հետ: Տեղի ոստիկանները հայտնել են, որ Գերմանիայի հավաքականի 7-1 հաշվով հաղթանակից հետո ընկերները սկսել են աղջկա հետ կատակել այդ թեմայով, եւ նա տուն է գնացել:
Գալով տուն՝ Պրագյան վիճել է Գերմանիայի հավաքականի երկրպագու քրոջ հետ: Վեճին միջամտել է մայրը, որը եւս պաշտպանել է Գերմանիայի հավաքականին: Աղջիկը չի դիմացել էմոցիոնալ լարմանը եւ կախվել իր սենյակում:
Հիշեցնենք, Գերմանիան Բրազիլիային հաղթելուց հետո դուրս է եկել առաջնության եզրափակիչ եւ մրցելու է Արգենտինայի հետ:
