Հյուսիսային Կորեան Տոկիոյին է տրամադրել 30 ճապոնացիների ցուցակը, որոնք նախորդ դարի 70-80-ական թվականներին առեւանգվել էին հյուսիսկորեական հատուկ ծառայությունների կողմից եւ մինչ այժմ գտնվում են Կորեայի հյուսիսում:
Այս մասին հայտնում է Nikkei թերթը՝ վկայակոչելով իրազեկ աղբյուրները:
Ըստ նրանց՝ ցուցակը փոխանցվել է հուլիսի 1-ին կայացած երկկողմ բանակցությունների ժամանակ:
Ճապոնիայի իշխանությունները հայտնել են, որ այն «երկու երրորդով» է համապատասխանում Տոկիոյի ունեցած տվյալներին:
Միեւնույն ժամանակ Ճապոնիայի կառավարության գլխավոր քարտուղար Յոսիհիդե Սուգան հերքել է Nikkei-ի հրապարակումը:
Ըստ մի շարք փորձագետների՝ Տոկիոն խիստ նյարդային է վերաբերվում առեւանգվածների հարցով բանակցություններին եւ չէր ցանկանա, որպեսզի որեւէ տեղեկություն ազդեր դրանց վրա:
2002 թ. ԿԺԴՀ-ն խոստովանել էր, որ իր հատուկ ծառայությունները ճապոնացիներին բռնի տարել են Կորեայի հյուսիս: Փհենյանը կազատի այդ մարդկանցից հինգին, իսկ մնացածները, ըստ երկրի իշխանությունների, կամ մահացել, կամ ինքնասպան են եղել, փոխանցում է ԻՏԱՌ-ՏԱՍՍ-ը:
Այնինչ Տոկիոն կարծում է, որ Հյուսիսային Կորեայում առնվազն 12 պատանդ է գտնվում: