Փրկարար ծառայությունը հուլիսի 10-ին, ժամը 09.55-ին ահազանգ է ստացել, որ Երեւանի Հյուսիսային պողոտայի եւ Պուշկինի փողոցի խաչմերուկում գտնվող ստորգետնյա ավտոկայանատեղիում կայանված ավտոմեքենայից առկա է գազի արտահոսք. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ «Օպել» մակնիշի 34NZ142 պետհամարանիշի (վարորդ` Ա. Ս.) ավտոմեքենայից տեղի է ունեցել գազի արտահոսք:
Հրշեջ-փրկարարները դադարեցրել են գազի արտահոսքը:
