Մեկ մարդ զոհվել, եւս 8-ը վիրավորվել են Տաջիկստանի եւ Ղրղըզստանի սահմանին՝ տաջիկական Որուխ անկլավում կրակոցներով միջադեպի արդյունքում:
Համայնքի ղեկավարի տեղակալ Թոլիբջոնա Մախկամովի խոսքով՝ կրակել են ղրղզ սահմանապահները, իսկ բոլոր տուժողները տաջիկական Բեդակի բնակավայրի խաղաղ բնակիչներ են: Զոհվել է 35-ամյա Սաֆոլոդին Շարապովը, հաղորդում է BBC-ի ռուսական ծառայությունը
Ղրղըզստանը դեռեւս չի մեկնաբանում միջադեպը:
Վիրավորներին Որուխի տեղական հիվանդանոց են հասցրել, որտեղ նրանց առաջին բժշկական օգնությունն է ցուցաբերվել: Մախկամովայի խոսքով՝ հիվանդներին Իսֆարի շրջանային կլինիկա տեղափոխելը դեռեւս հնարավոր չէ, քանի որ անկլավը Տաջիկստանին միացնող միակ ճանապարհը փակ է:
Որուխը Ղրղըզստանում տաջիկական ամենամեծ անկլավն է: Համայնքի բնակչությունը հաշվվում է 35 հազար մարդ:
