ԱՄՆ-ում մեղադրանք են ներկայացրել չինացի գործարար Սու Բինին՝ ռազմական տեղեկատվություն ստանալու նպատակով մի շարք խոշոր ընկերությունների անվտանգության համակարգերը կոտրելու համար։
Մեղադրողների կարծիքով՝ գործարարը եւ եւս երկու հաքերներ կարողացել են 2009-2013թթ. ընթացքում Boeing ավիագիգանտի հետ ՊՆ-ի կնքած պայմանագրերին հասանելիություն ստանալ, փոխանցում է BBC-ի ռուսական ծառայությունը։
Ըստ քննության վարկածի՝ Սու Բինը ցանկանում էր տեղեկատվություն ստանալ երկու կործանիչների եւ ռազմական գերատեսչության տրանսպորտային օդանավի մասին՝ չինական համապատասխան ընկերություններին տեղեկությունը վաճառելու համար։
Գործարարը հունիսին կալանավորվել է Կանադայում եւ մեղադրանքները չի մեկնաբանում։