Ամերիկյան Դենվեր քաղաքի (Կոլորադո) նահանգի բնակիչը վարակվել է ժանտախտաի թոքային ձեւով, որը շրջանում չէր հանդիպել 2004թ.-ից: Սա տվյալ հիվանդության ամենահազվագյուտ եւ մահաբեր ձեւն է, հաղորդում է «ԻՏԱՌ-ՏԱՍՍ»-ը:
Իշխանությունները հետաքննություն են անցկացրել, որի արդյունքում պարզվել է, որ տղամարդը վարակվել է իր՝ վերջրես մահացած շնից: Շան մարմինը թաղելու ժամանակ ժանտախտի բացիլ է փոխանցվել վերջինիս:
Տղամարդը բուժման կուրս է անցնում, բժիշկները պնդում են, որ նա այլեւ վարակված չէ: Նրա հետ շփում ունեցողները նույնպես զննում կանցնեն:
Կոլորադո նահանգում, 1958թ.-ից սկսած, արձանագրվել է ժանտախտի 60 դեպք, որոնցից 9-ը՝ մահվան ելքով: Ընդհանուր առմամբ, ԱՄՆ-ում ժանտախտով հիվանդանում են տարեկան 7 մարդ: Այդ հիվանդությունը հիմնականում անցնում կրծողների միջոցով:
