Twitter ընկերության պաշտոնական էջում հաղորդագրություն է հայտնվել այն մասին, որ միկրոբլոգերի ցանցը ցուցադրելու է օգտատերերի էջերի այցելությունների եւ յուրահատուկ հաղորդագրությունների վիճակագրությունը: Հաշվառվելու են կայքի սովորական՝ twitter.com տարբերակի, ինչպես նաեւ iOS եւ Android բազայով սմարթֆոնների հավելվածների միջոցով դիտումները:

Հարկ է նկատել, որ ավելի վաղ Twitter-ի վերլուծական մասը տեղեկատվություն էր տրամադրում միայն գրառումների պատասխանների եւ ընտյալների ցանկում ավելացնելու մասին: Ցուցադրվում էր նաեւ յուրաքանչյուր գրառման հղումով սեղմումների քանակը: