Հռոմի քաղաքապետը պաշտոնը ստանձնելուց ի վեր հեծանվով քաղաքում 35.000 կմ է անցել:
Ինչպես վարչապետ Մաթեո Ռենցին, Ինյացիո Մարինոն նույնպես նախընտրում է տեղաշարժվել երկանիվ փոխադրամիջոցով:
Օրական նա 50 կմ է անցնում քաղաքում՝ երթեւեկելով Կապիտոլիումի, վարչապետի նստավայրի եւ տարբեր հաստատությունների միջեւ: Այս մասին գրում է Euromag-ը՝ հղում կատարելով ANSA-ին:
Հռոմի նախկին քաղաքապետ Ֆրանչեսկո Ռուտելլին հայտնի էր որպես «մոպեդով քաղաքապետ», իսկ Մարինոն արդեն քաղաքի պատմության մեջ մտավ որպես հեծանվորդ-քաղաքապետ: Ինյացիո Մարինոն Հռոմի քաղաքապետ է 2013 թվականի հուլիսից:
