Հայաստանի պաշտպանության նախարար Սեյրան Օհանյանն հուլիսի 12-ի երեկոյան աշխատանքային այց է կատարել հայկական զինված ուժերի այն ստորաբաժանումների պաշտպանական հատված, որտեղ կատարվում են որոշակի բացառիկ օպերատիվ գործողություններ: Այս մասին Facebook-ի իր էջում գրել է պաշտպանության նախարարի մամուլի խոսնակ Արծրուն Հովհաննիսյանը:
Նա նաեւ գրել է. «Նախարարը տեղում մանրակրկիտ ծանոթացել է իրավիճակին, լսել է համապատասխան հրամանատարների զեկույցները, խորհրդակցություն է անցկացրել այն ստորաբաժանումների հրամանատարների հետ, որոնք իրականացնում են այդ աշխատանքը սահմանագոտու համապատասխան հատվածում: ՊՆ Սեյրան Օհանյանը տվել է համապատասխան հանձնարարականներ»:
