Բուենոս-Այրեսի կենտրոնում ԱԱ-2014-ի եզրափակիչ Գերմանիա-Արգենտինա հանդիպմանը Արգենտինայի ֆուտբոլի ազգային հավաքականի պարտությունից հետո (0:1 լրացուցիչ ժամանակում) խոշոր անկարգություններ են տեղ ունեցել, հայտնում է gazeta.ru-ն վկայակոչեոլվ Buenos Aires Herald-ը:
Անկարգությունների հիմնական ալիքը եղել է «Օբելիսկ» հուշարձանի մոտ, որտեղ վանդալների խումբը սկսել է խորտակել պատնեշները եւ քարեր նետել շրջակա շենքերի վրա: Ոստիկանությունն ամբոխը ցրելու համար արցունքաբեր գազ եւ ջրցան մեքենաներ է կիրառել:
Ձերբակալվել է 30 մարդ, 20 մարդ վիրավոր է, որոնցից 15-ը` ոստիկան: