Այն, ինչ այժմ տեղի է ունենում Կիեւի Մայդանում, դրա իմաստը վարկաբեկելն է, Ուկրաինայի մանրածախ վաճառքը, հայտարարել է Ուկրաինայի ներքին գործերի նախարար Արսեն Ավակովը «1+1» հեռուստաալիքի եթերում:
Նա նշել է, որ երկրի գլխավոր հրապարակում անհասկանալի մարդկանց կենտրոնացումը «ռուսական ԱԴԾ-ի եւ անցյալում մնացած կուսակցությունների նախագիծն է»:
Նախարարը հայտնել է, որ ոստիկանությունը ամբողջական տվյալներ ունի այժմ Մայդանում բոլոր մնացողների վերաբերյալ, թե նրանցից ով է անօրինական գործունեությամբ զբաղվում:
«Նրանք կարճ ժամանակ ունեն այնտեղից հեռանալու համար: Վերցնել զենքերը եւ գնալ պատերազմ», - ընդգծել է Ավակովը:
Նա պատմել է նաեւ Մայդանի հարցը լուծելու «մարդասիրական եւ գեղեցիկ» ծրագրի գոյության մասին:
Հուլիսի 13-ին Մայդանը որոշել է հետագայում էլ մնալ իր դիրքերում` չնայած գլխավոր դատախազի վերջերս արած հայտարարության, որ անհրաժեշտ է պարտադրաբար արտաքսել բոլորին, ովքեր կհրաժարվեն կռվել Ազգային գվարդիայում: