Ռուսաստանի Լենինգրադի մարզում պարաշյուտացատկի ժամանակ մահացել է ավիացիոն մարզական ակումբներից մեկի կուրսանտը, հաղորդվում է Սանկտ Պետերբուրգի ՆԳՆ ԳՎ-ի կայքում:
Նշվում է, որ աղջիկը ուսումնական ցատկ է կատարել Գատչինսկի շրջանի Ստարիե Չերնիցի գյուղից 1 կմ հեռավորության վրա գտնվող օդանավակայանի տարածքի մոտ:
«Վայրէջքի ժամանակ 18-ամյա աղջիկը խճճվել է էլեկտրալարերի մեջ եւ ստացած մարմնական վնասվածքներից տեղում մահացել», - նշվում է հաղորդագրությունում:
Ներկայումս ոստիկանության աշխատակիցները պարզում են կատարվածի բոլոր հանգամանքները: