Ուկրաինան հատուկ մաքսատուրք եր է սահմանել Բելառուսի Հանրապետությունից ներմուծվող ապրանքների նկատամամբ՝ ի պատասխան ուկրաինական ածիկային գարեջրի եւ ոչ ալկոհոլային խմիչքների նկատմամբ խտրական եւ ոչ բարեկամական գործողությունների:
Մասնավորապես, ինչպես ասվում է հաղորդագրությունում, Բելառուսից ներմուծվող կաթի, սերուցքի, յոգուրտների, կեֆիրի, սերուցքային կարագի, ինչպես նաեւ շոկոլադից եւ շաքարավազից պատրաստված քաղցրավենիքի վրա կկիրառվի այդ ապրանքների մաքսային արժեքի 5,29%-ով մաքսատուրք: Ընդ որում, բելառուսական ածիկային գարեջրի համար Ուկրաինան սահմանել է մաքսային արժեքի 60,5%-ի չափով մաքսատուրք: Հատուկ մաքսատուրքերը նշված ապրանքների վրա կկիրառվեն մինչեւ 2016թ. դեկտեմբերի 31-ը: Հանձնաժողովի որոշումը ուժի մեջ է մտել դրա հրապարակման պահից հետո 10 օրվա ընթացքում: