Երուսաղեմի հայտնի «Քեդեմ» աճուրդը հնաոճ իրեր մի ամբողջ շարք է առաջարկում, որոնք պատկանել են Վրաստանի հրեաներին: Բոլոր այդ առարկաները բերվել են Ախալցխա քաղաքից, որտեղ հրեական խոշոր համայնքը գոյություն է ունեցել հարյուրավոր տարիներ: Ներկայում այնտեղ ընդամենը 8 տարեց հրեաներ են բնակվում:
Հրեական համայնքը Վրաստանում գոյություն ունի 2.500 տարի, սակայն համայնքի բազմաթիվ ներկայացուցիչներ փոխադրվել են Իսրայել: Մեկնելիս նրանք ստիպված են եղել թողնել իրենց թանկարժեք իրերն ու ընտանեկան մասունքները: «Благовест-инфо»-ի փոխանցմամբ, դրանց մի մասն անհետացել է:
Աճուրդի է հանվել 1891 թվականին ստորագրված «կտուբ»՝ ընտանեկան պայմանագիր, ինչպես նաեւ սինագոգից «շիվիթի» ցուցատախտակ, որը ցույց է տալիս Երուսաղեմի ուղղությունը, Տորայից զարդարված մագաղաթ, XIX դարավերջի «Էսթերի մագաղաթը»: