Եգիպտոսի իշխանությունները առաջ կքաշեն Գազայի հատվածում Իսրայելի եւ Պաղեստինի միջեւ ռազմական գործողությունների դադարեցման ծրագիրը, չնայած ՀԱՄԱՍ-ը մերժել է այդ գաղափարը հաղորդում է «Ռեյթեր» գործակալությունը՝ վկայակոչելով եգիպտական ԱԳՆ-ին:
«Այս նախաձեռնությունը բխում է բոլոր կողմերի շահերից, եւ մենք մտադիր ենք առաջ քաշել այն հետայսու եւս: Մենք ակնկալում ենք, որ այն հավանության կարժանանա մոտ ժամանակներս», - հայտարարել է Եգիպտոսի արտաքին գործերի նախարար Սամիհ Շուքրին ֆրանսիացի իր կոլեգա Լորան Ֆաբնուսի հետ համատեղ մամուլի ասուլիսի ընթացում, հաղորդում է «ՌԻԱ Նովոստին»:
Ավելի վաղ հաղորդվել էր որ հրեական պետության եւ ՀԱՄԱՍ-ի գլխավորությամբ պաղեստինայան խմբավորումների միջեւ միջնորդ հանդես գալու Եգիպտոսի ծրագիրը ենթադորւմ է, որ փոխադարձ հրադադարին կհետեւեն Կահիրեում երկարաժամկետ կարգավորման պայմանների մասին բանակցությունները: Շարժման ներքին կառույցներում երկար քննարկումներից հետո, ՀԱՄԱՍ-ը մերժել է ծրագիրը, եւ պաշտոնապես հայտարարել այդ մասին եգիպտական իշխանություններին:
Հուլիսի 7-ից Իսրայելը Գազայի հատվածում ռազմական գործողություն է իրականացնում, որի նպատակը երաշխավորված եւ երկար հեռանկարում պաղեստինյան հրթիռային կրակոցների դադարեցումն է ՝ խափանելով անկլավում իշխող ՀԱՄԱՍ իսլամիստական շարժման եւ զինյալների այլ խմբավորումների ներուժը: