ՌԴ նախագահ Վլադիմիր Պուտինը եւ ԳԴՀ կանցլեր Անգելա Մերկելը հեռախոսազրույցում քննարկել են Ուկրաինայում ուղեւորատար օդանավի վթարը եւ շեշտը դրել են վթարի բոլոր հետեւանքների մանրամասն եւ անկողմնակալ հետաքննության անցկացման վրա, հայտնում է Կրեմլի մամուլի ծառայությունը։
«Շարունակվել է Ուկրաինայի ճգնաժամային դրության քննարկումը, այդ թվում՝ օդանավի վթարի համատեքստում»։ Կողմերն ընդգծել են կատարվածի բոլոր հանգամանքների մանրամասն եւ անկողմնակալ հետաքննության անհրաժեշտությունը»,-ասված է հաղորդագրությունում։
Մերկելը դրական է գնահատել Ռուսաստանի պատրաստակամությունը՝ քննությանը մասնակցելու համար իր ներկայացուցչին ուղարկելու հարցում: Բացի դրանից, նա համաձայնել է, որ քննությունը «պետք է անցկացնի Քաղաքացիական ավիացիայի միջազգային կազմակերպությունը՝ շահագրգիռ բոլոր անձանց մասնակցությամբ»:
