Ուկրաինական կողմը Malaysia Airlines-ի «Բոուինգ-777» կործանված ինքնաթիռի ոչ մի սեւ արկղի չի տիրապետում, հայտարարել է Ազգային անվտանգության եւ պաշտպանության խորհրդի տեղեկատվական կենտրոնի ղեկավար Անդրեյ Լիսենկոն:
«Ուկրաինական կողմը ոչ մի սեւ արկղ չի ստացել: Սա պաշտոնական տեղակատվություն է», - հաղորդել է Լիսենկոն: Վերջինս նշել է, որ զինյալների ճնշման պայմաններում փրկարարները չեն կարողանում հավաքել իրեղեն ապացույցներ: Նրա խոսքով՝ ավիավթարի բոլոր ապացույցները, ինչպես նաեւ մահացածների մարմինները գտնվում են ապօրինի զինված խմբավորումների ձեռքում եւ չեն փոխանցվում ուկրաինական կողմին, հաղորդում է «Ինտերֆքաս-Ուկրաինան»:
Malaysia Airlines-ի «Բոինգ-777» ինքնաթիռը, Ամստերդամ-Կուալա-Լումպուր ուղղությամբ թռիչքն իրականցնելիս, հուլիսի 17-ին կործանվել է Ուկրաինայի արեւելքում: Զոհվել են բոլոր ուղեւորներն ու ինքնաթիռի ողջ անձնակազմը՝ 298 մարդ: Վթարի վայրում հայտնաբերվել են 186 մահացածների մարմինները:
