Էրեբունի բժշկական կենտրոնից, հուլիսի 6-ին ժամը 22.45-ին ահազանգ է ստացվել ոստիկանության Էրեբունիի բաժին, ըստ որի, որովային ձախ կեսի ծակած-կտրած վերք ախտորոշմամբ իրենց մոտ է տեղափոխվել 57-ամյա Խաչիկ Գրիգորյանը:
Նա բժիշկներին ասել էր, որ վնասվածքն ստացել է իրենց տանը խորովածի շշով անհարմար շարժում անելու հետեւանքով:
Ոստիկանները պարզել են, որ Երեւանի Ջրաշեն եւ Օշական թաղամասերի հարակից տարածքում, որը ժողովրդին առավել հայտնի է «Մարոժնիանոց» անունով, տեղի է ունեցել խնջույք, որի ժամանակ վիճաբանություն ու ծեծկռտուք է եղել: Հենց այդ ժամանակ էլ դանակարվել է Խաչիկ Գրիգորյանը:
Խնջույքը կազմակերպել էր հենց «Մարոժնիանոց»-ի սեփականատեր Մաքսիմ Մուրադյանը՝ կնոջ ծննդյան 21-յակի առթիվ:
Սեփականատեր Մաքսիմ Մուրադյանը դիտողություն էր արել Խաչիկ Գրիգորյանին, ասելով, որ կանանց ներկայթյամբ հայհոյել չի կարելի:
Ոստիկանների մոտ հիմնավորվել է այն վարկածը, որ Խաչիկ Գրիգորյանին դանակով հարվածել է ոչ թե Մաքսիմ Մուրադյանը, այլ նրա կինը՝ Գոհար Մարտիրոսյանը:
Վերջինս տեսնելով, որ ամուսնուն ծեծելով արյունլվա են արել, վերցրել է դանակն ու հարվածել:
Մանրամասները՝ տեսանյութում:
